Rohit Sharma : 'हिटमॅन'ने राडा केला, Vijay Hazareमध्ये गोलंदाजांना धु धु धूतल, वादळी खेळीचा पहिला VIDEO

खरं तर आज विजय हजारे ट्रॉफी स्पर्धेत मुंबईचा सिक्कीम विरूद्ध सामना पार पडला होता. या सामन्यात मुंबईकडून खेळताना टीम इंडियाचा माजी कर्णधार रोहित शर्माने 94 बॉलमध्ये 155 धावांची वादळी खेळी केली होती.या खेळी दरम्यान रोहितने 9 षटकार आणि 18 चौकार लगावले आहेत. यावेळी त्याचा स्ट्राईक रेट 164 होता.रोहितने अशाप्रकारे ही वादळी खेळी करून 30 ओव्हरमध्येच मॅच संपवली आहे. त्यामुळे मुंबईने सिक्कीमवर दणदणीत विजय मिळवला आहे.

रोहित शर्माच्या या खेळीचा आता व्हिडिओ समोर आला आहे.या व्हिडिओमध्ये रोहित शर्मा तुफान फटकेबाजी करताना दिसतो आहे. विशेष म्हणजे रोहित शर्मा प्रत्येक शॉर्ट खूपच जोराने खेळतोय. जेणेकरून प्रत्येक बॉलवर 6 किंवा 4 धावा काढता येतील.हा व्हिडिओ पाहून रोहित शर्मा किती वादळी खेळी करतो आहे,याचा अंदाजा येतो आहे.

खरं तर सिक्कीमने प्रथम फलंदाजी करताना 50 ओव्हरमध्ये 7 विकेट गमावून 236 धावा ठोकल्या होत्या. सिक्कीमकडून आशिष थापाने 79 धावांची अर्धशतकीय खेळी केली होती. मुंबईकडून यावेळी कर्णधार शार्दुल ठाकूर 2, तुषार देशपांडे, तनुश कोटीयन, शम्स मुलानी आणि मुशीर खानने प्रत्येकी 1 विकेट काढली आहे.

या लक्ष्याचा पाठलाग करताना मुंबईकडून रोहित शर्माने 155 धावांचीद दीड शतकीय खेळी केली. या खेळीच्या बळावर मुंबईने 30.3 ओव्हरमध्ये हे लक्ष्य गाठत हा सामना जिंकला आहे.दरम्यान सिक्कीमकडून क्रांथी कुमार आणि अंकुर मलिकने प्रत्येकी 1 विकेट घेतली होती. हा सामना जिंकून मुंबईने चांगली सूरूवात केली आहे.