IPL मध्ये कुणी रुपया मोजला नाही, CSK ने वाऱ्यावर सोडलं, विदर्भाच्या पठ्ठ्यानं 5 शतकं ठोकून टीम इंडियाची दारं ठोठावली!

Dhruv shorey VHT Record : राजकोटच्या सनोसारा क्रिकेट ग्राऊंडवर विजय हजारे ट्रॉफीच्या दुसऱ्या राउंडमध्ये विदर्भ विरुद्ध हैदराबाद यांच्यात एक थरारक मॅच पाहायला मिळाली. या मॅचमध्ये विदर्भच्या एका फलंदाजाने आपल्या बॅटचा तडाखा दाखवत हैदराबादच्या बॉलरना पूर्णपणे हतबल करून सोडले. आपल्या आक्रमक शैलीत फलंदाजी करताना त्याने केवळ 77 बॉलमध्ये नाबाद 109 रन्सची खेळी साकारली आणि टीमला मजबूत स्थितीत नेऊन ठेवले. या धडाकेबाज शतकामुळे विदर्भने हैदराबादवर 89 रन्सने दणदणीत विजय मिळवला असून या विजयाचा हिरो ठरलेल्या खेळाडूने क्रिकेटच्या इतिहासात एका खास रेकॉर्डची बरोबरी केली. हा खेळाडू दुसरा तिसरा कुणी नसून ध्रुव शौरी आहे.