Trending:

'माझ्याकडून चूक झाली, तुम्ही करू नका', युवराज सिंगला होतोय एका गोष्टीचा पश्चाताप! अभिषेक-शुभमनला काय सल्ला दिला?

Published by:Saurabh Talekar

Last Updated:September 07, 2025 2:07 PM IST

Yuvraj Singh Advice To Cricketers : जर मी गोल्फ खेळलो असतो तर कदाचित माझ्याकडे 3000 अधिक आंतरराष्ट्रीय धावा झाल्या असत्या, असं म्हणत युवराज सिंगने क्रिकेटर्सला महत्त्वाचा सल्ला दिलाय.

Yuvraj Singh Advice To Cricketers : टीम इंडियाचा वर्ल्ड कप जिंकवणून देणाऱ्या युवराज सिंगने खेळाडूंना मोलाचा सल्ला दिला आहे. युवराज सिंगने आपल्या दोन चेल्यांना म्हणजेच अभिषेक शर्मा आणि शुभमन गिल यांच्या यशाचं गमक सांगितलं. आयपीएल दौऱ्याच्या कार्यक्रमादरम्यान, मी त्यांना गोल्फ खेळत राहण्यास सांगितलं. आयपीएलच्या बिझी शेड्यूलमधून वेळ काढणं खूप कठीण आहे हे मी मान्य करतो पण आयपीएल दरम्यान ते वेळ काढू शकतात. मी प्रत्येक खेळाडूला गोल्फ खेळायला सांगतो कारण त्यामुळे खूप मानसिक शांती मिळते, असं युवराज सिंग म्हणाला आहे.

माझ्यासारखी चूक करू नका - युवराज सिंग

मी माझ्या क्रिकेट कारकिर्दीत गोल्फ खेळू शकला नाही. जर तो खेळला असता तर त्याच्या नावावर जास्त धावा झाल्या असत्या. जर मी गोल्फ खेळलो असतो तर कदाचित माझ्याकडे 3000 अधिक आंतरराष्ट्रीय धावा झाल्या असत्या. म्हणूनच मला वाटत नाही की माझ्यासारखी चूक इतर कोणीही करावी, असं युवराज सिंग म्हणाला.

मानसिक शांतता पाहिजे असेल तर.. - युवराज सिंग

गोल्फ शरीरावर कमी भार टाकतो आणि मानसिक शांतता त्यामुळे कायम राहते. जर तुम्ही ऑस्ट्रेलिया, दक्षिण आफ्रिका आणि इंग्लंडमधील बहुतेक सर्वोत्तम खेळाडूंकडे पाहिले तर ते सर्व गोल्फ खेळतात. पण भारतात याचं प्रमाण कमी आहे, असं युवराज सिंग म्हणाला.

खेळाडूने गोल्फ खेळला पाहिजे - युवराज सिंग

बरेच खेळाडू कमी सराव करतात आणि दौऱ्यांदरम्यान जास्त गोल्फ खेळतात कारण तुमचा खेळ तीन दिवसांत बदलू शकत नाही. म्हणूनच केवळ क्रिकेट खेळाडूंनीच नाही तर जगातील कोणत्याही खेळाडूने गोल्फ खेळला पाहिजे कारण तो त्यांच्या खऱ्या खेळातील सर्वोत्तम गोष्टी बाहेर काढतो, असं मत युवराज सिंगने नोंदवलं आहे.