सावधान! Apple सह Google यूझर्स धोक्यात, हॅकिंगपासून असा करा बचाव 

मुंबई : तुम्ही स्मार्टफोन वापरत असाल तर तुमच्यासाठी ही महत्त्वाची बातमी आहे. जगभरात पसरलेल्या गंभीर सायबर हल्ल्यानंतर अॅपल आणि गुगलने एमर्जेंसी सुरक्षा अपडेट्स जारी केले आहेत. दोन्ही कंपन्यांनी कबूल केले आहे की, हॅकर्स त्यांच्या डिव्हाइसेसमधील माहिती नसलेले दोष वापरून यूझर्सना लक्ष्य करत होते. या हल्ल्यात zero-day vulnerability होती जी पॅच रिलीज होण्यापूर्वीच वापरली गेली होती. आयफोन, अँड्रॉइड, क्रोम आणि सफारी सारख्या प्लॅटफॉर्मवर या धोक्याचा परिणाम झाला आहे. यूझर्सना त्वरित अपडेट करण्याचा सल्ला देण्यात आला आहे.