Palghar News : मुंबई अहमदाबाद नेशनल हायवेवर पाच वाहनांचा विचित्र अपघात, गाड्यांचा झाला चक्काचूर, हादरवणारे PHOTO

मुंबई अहमदाबाद राष्ट्रीय महामार्गावर पालघर जिल्ह्यानजीक अपघाताची घटना घडली आहे. या घटनेत पाच वाहनांचा विचित्र अपघात झाल्याची घटना समोर आली आहे.

पालघर जिल्ह्यातील डहाणूच्या चिंचपाडा परिसरात ही घटना घडली आहे. या घटनेच पाच वाहनांची एकमेकांना धडक बसली होती.

मुंबईहून गुजरातच्या दिशेने जाणाऱ्या एका भरधाव ट्रकने आधी पिकअपला धडक दिली होती. त्यानंतर डिव्हायडर तोडून विरूद्ध दिशेला जाऊन तीन वाहनांना धडक दिली होती.

डिव्हायडर तोडून विरूद्ध दिशेला जाताच ट्रकची एक चारचाकी गाडीला आणि दोन ट्रकला धडक झाल्याची माहिती आहे. त्यामुळे या अपघातात पाच वाहनांचा विचित्र अपघात झाला होता.

या भीषण अपघातात तीन जण गंभीर जखमी झाले आहेत. या जखमींवर कासा उपजिल्हा रुग्णालयात उपचार सुरू आहेत.

दरम्यान मुंबई अहमदाबाद राष्ट्रीय महामार्गावर दिवसेंदिवस अपघाताची मालिका सुरूच आहे. या विशेष म्हणजे या अपघाताच्या घटना रोखण्यासाठी राष्ट्रीय महामार्ग प्राधिकरण आणि महामार्ग पोलिसांच दुर्लक्ष होते आहे.