YouTube वर फ्रीमध्ये म्यूझिक ऐकणाऱ्यांना धक्का! कंपनीने बंद केली ही ट्रिक 

आतापर्यंत, अनेक यूझर थर्ड-पार्टी मोबाइल वेब ब्राउझरद्वारे या प्रीमियम फीचरचा फ्री वापर करू शकत होते. हे ब्राउझर YouTube ला त्याच्या अँड्रॉइड अ‍ॅपवर रीडायरेक्ट करत नव्हते, ज्यामुळे बॅकग्राउंड प्लेबॅकची परवानगी मिळत होती. तसंच, YouTube ने आता हा मार्ग देखील बंद केला आहे.

रिपोर्ट्सनुसार, YouTube ने त्यांच्या सिस्टीममध्ये बदल केले आहेत. ज्यामुळे थर्ड-पार्टी ब्राउझरवर बॅकग्राउंड प्लेबॅक काम करणे बंद झाले आहे. अँड्रॉइड अथॉरिटीच्या रिपोर्टमध्ये YouTube ने म्हटले आहे की, बॅकग्राउंड प्लेबॅक हे केवळ YouTube प्रीमियम यूझर्ससाठी एक फीचर आहे. पूर्वी, काही प्रकरणांमध्ये प्रीमियम नसलेले यूझर ते अ‍ॅक्सेस करू शकत होते, परंतु आता ते सर्व प्लॅटफॉर्मवर सातत्यपूर्ण अनुभव सुनिश्चित करत आहेत.

यूट्यूब सतत आपल्या Premium सब्सक्रिप्शनला प्रोत्साहन देण्याचा प्रयत्न करत आहे. गेल्या काही वर्षांमध्ये अनेक बेसिक फीचर्स, जसं की, अ‍ॅड-फ्री व्हिडिओ, ऑफलाइन डाउनलोड आणि Background Playback ला Premium मध्ये सामिल करण्यात आले आहे. आता फ्रीमध्ये या फीचर्सचा कोणताही जुगाड कंपनी सहन करण्याच्या मूडमध्ये नाही.

जरी YouTube कोणत्याही नॉन-गूगल अ‍ॅपवर थेट नियंत्रण ठेवू शकत नाही, तरी ते कोड स्तरावर बदल करून बॅकग्राउंड प्लेबॅक सारख्या फीचर्सना मर्यादित करू शकते, जे आता स्पष्टपणे दृश्यमान आहे.

भारतात YouTube Premium ची किंमत अलीकडेच वाढवण्यात आली आहे.

तुम्ही YouTube वर म्यूझिक किंवा पॉडकास्ट ऐकण्यासाठी बॅकग्राउंड प्लेबॅकवर अवलंबून असाल, तर प्रीमियम वापरणे हा एकमेव पर्याय उरतो.