चोरांना चुकूनही वापरता यायचा नाही तुमचा iPhone; आजच करा अशी सेटिंग

जर तुम्ही तुमच्या महागड्या आयफोनच्या सुरक्षेबाबत चिंतेत असाल तर आता चिंता करायची गरज नाही. कारण अ‍ॅपल कंपनीनं आयफोनमध्ये एक खास फीचर समाविष्ट केलं आहे. हे फीचर अ‍ॅक्टिव्हेट केल्यावर चोर तुमचा फोन वापरू शकणार नाही. या नवीन फीचरमुळे तुमचा आयफोन लॉक होईल आणि तुमचा अ‍ॅपल आयडी आणि पासवर्डशिवाय तो कोणीही अनलॉक करू शकणार नाही.

हे फीचर अ‍ॅक्टिव्हेट करण्यासाठी सर्वप्रथम तुमचा आयफोन कोणत्या व्हर्जनवर काम करतोय हे पाहावं. त्यानंतर तुम्हाला सेटिंग्ज ऑप्शनमध्ये जावं लागेल. तिथं General वर टॅप करावं लागेल. त्यानंतर सॉफ्टवेअर अपडेटवर क्लिक करावं लागेल. क्लिक केल्यावर पुन्हा Download and Install Update वर टॅप करावं लागेल. ही प्रोसेस केल्यावर आयफोनची सेटिंग्ज ओपन करावी लागतील. त्यानंतर FaceID & Passcoade किंवा TouchID & Passcode वर टॅप करावं लागेल. टॅप केल्यावर तुम्हाला लगेच पासकोड द्यावा लागेल. मग स्क्रोल डाउन करून Stolen Device Protection फीचर वर टॅप करावं लागेल. त्यानंतर कन्फर्म ऑप्शनवर टॅप करून फीचर टर्न ऑन करावं लागेल. यामुळे तुमचा आयफोन चोरीला गेला तरी तो चोराला वापरता येणार नाही.