WhatsApp मध्ये आलेय 7 नवे फीचर्स, पण कोणते? लगेच करा ट्राय
- Published by:Mohini Vaishnav
Last Updated:
Features: तुम्ही व्हॉट्सॲप वापरत असाल तर हे 7 नवीन फीचर्स तुमच्यासाठी खूप उपयुक्त ठरतील. हे फीचर्स तुमचा WhatsApp वापरण्याचा एक्सपीरियन्स बदलू शकतात. यासाठी तुमच्या WhatsApp वर खाली नमूद केलेल्या स्टेप्स आणि फीचर्स त्वरीत इनेबल करा.
मुंबई : Meta च्या इन्स्टंट मेसेजिंग ॲप WhatsApp ने 2024 साठी Google चा सर्वोत्कृष्ट मल्टी-डिव्हाइस ॲप पुरस्कार जिंकला आहे. या ॲपवरील प्रत्येक फीचर विनामूल्य असूनही, Meta ग्राहकांच्या सोयीसाठी दररोज नवीन फीचर्ससाठी कार्य करते. येथे आम्ही तुम्हाला WhatsApp वरील 7 नवीन फीचर्सविषयी सांगणार आहोत, ज्याचा वापर करून तुमचा WhatsApp वापरण्याचा अनुभव बदलेल.
WhatsApp प्रगत AI फीचर्स
WhatsApp प्रगत AI फीचर्सला डायरेक्ट अॅपमध्ये इंटीग्रेट करते. त्यानुसार, तुम्हाला इतर कोणतेही ॲप डाउनलोड करण्याची किंवा मेंबरशिपसाठी पैसे खर्च करण्याची गरज नाही. WhatsApp वर AI साठी कोणत्याही अतिरिक्त साइन-अप प्रक्रियेची गरज नाही, तुम्ही ती पूर्णपणे मोफत वापरू शकता. Meta AI द्वारे, तुम्ही कॉम्प्लॅक्स विषय समजू शकता जे तुम्हाला सामान्यतः समजत नाहीत. तुम्ही फोटो तयार करू शकता, प्रश्न विचारू शकता किंवा विनोद ऐकू शकता. व्हॉट्सॲपने निवडक देशांमध्ये मेटा एआयचे व्हॉईस मॉडेलही सुरू केले आहे.
advertisement
WhatsApp वर नवीन फिल्टर
काही दिवसांपूर्वी तुम्ही व्हॉट्सॲपवर कंटाळवाणे फिल्टरलेस व्हिडिओ करत होता, पण आता तुम्ही तुमची बॅकग्राउंड बदलू शकता. जर तुम्ही कमी प्रकाशात बसला असाल तर तुम्ही व्हिडिओवर फिल्टर लावू शकता. यानंतर तुम्ही व्हॉट्सॲप व्हिडिओ कॉलवरही सुंदर दिसाल.
advertisement
Disappearing Voice Messages
आता, जसे तुम्ही वन टाइम मोडमध्ये फोटो आणि व्हिडिओ पाठवता, त्याचप्रमाणे तुम्ही वैयक्तिक व्हॉइस नोट्स देखील पाठवू शकता. Quick Send Voice Note द्वारे, समोरची व्यक्ती व्हॉइस नोट्स फक्त एकदाच ऐकू शकते, त्यानंतर तुमची पाठवलेली व्हॉइस नोट गायब होईल. यासह तुम्ही सेंड करत असलेला मेसेज ड्राफ्टही होईल. जर तुम्हाला हे फीचर अजून मिळाले नसेल तर तुमचे व्हॉट्सॲप अपडेट करा आणि व्हॉट्सॲपच्या लेटेस्ट व्हर्जनमध्ये हे फीचर ॲक्सेस करा.
advertisement
तुम्हाला हे फीचरही आवडेल
आता तुम्ही एक नवीन चॅट कॅटेगिरी तयार करू शकता. ज्यामध्ये तुम्ही मित्रांसाठी, कुटुंबासाठी, ऑफिसमधील लोकांसाठी आणि पालकांसाठी स्वतंत्र चॅट लिस्ट तयार करू शकता. यामुळे तुम्ही एका मेसेजकडेही दुर्लक्ष करू शकणार नाही, तुमचे लक्ष प्रत्येक मेसेजवर असेल.
advertisement
नंबर थेट व्हॉट्सॲपवर सेव्ह करा
याआधी व्हॉट्सॲपवर कुणाशी बोलायचे झाल्यास तुमचा नंबर फोनमध्ये सेव्ह करावा लागत होता. आता तुम्ही थेट व्हॉट्सॲपवर कॉन्टॅक्ट सेव्ह करू शकाल. येथून तुम्ही त्या लोकांशी चॅट करू शकाल, कॉलिंग आणि व्हिडिओ कॉल करू शकाल.
व्हिडिओ स्टेटस लाईक आणि रीशेअर करा
Instagram आणि Facebook प्रमाणे, तुम्ही WhatsApp वर स्टेटस रीशेअर करू शकता. तुम्ही तुमच्या स्टोरीमध्ये तुमच्या फ्रेंड्सला मेंशन करु शकता. तुम्ही त्यांच्या पोस्ट केलेल्या स्टेटस तुमच्या WhatsApp वर रीशेअर करू शकता.
Location :
Mumbai,Maharashtra
First Published :
November 23, 2024 1:53 PM IST
