WhatsApp Status मध्ये टाकता येणार कोणतंही गाणं, आलंय हे नवं फीचर

मुंबई : इन्स्टंट मेसेजिंग ॲप व्हॉट्सॲप आपल्या यूझर्सच्या सोयीसाठी रोज नवनवीन फीचर्स आणत आहे. WhatsApp नवनवीन गोष्टींवर काम करत राहते. मेसेजिंग ॲप प्रत्येक वेळी यूझर्सचा अनुभव सुधारण्याच्या प्रयत्नात सतत नवीन फीचरची चाचणी घेत आहे. अशाच एका फिचरची चाचणी त्याच्या बीटा व्हर्जनमध्ये सुरू आहे. ज्यामध्ये यूजर्स इन्स्टाग्राम स्टेटस प्रमाणे व्हॉट्सॲप स्टेटसवर गाणी जोडू शकतात. काही दिवसांपूर्वी व्हॉट्सॲपने इन्स्टाग्रामसारख्या स्टेटसमध्ये उल्लेख करण्याचे फीचर ॲड केले होते. आता इन्स्टाग्रामप्रमाणे तुम्ही तुमच्या स्टोरीवर गाणेही टाकू शकाल.