KDMC पुन्हा ॲक्शन मोडवर, 14 इमारती, 14 घरांवर हातोडा; आयुक्तांचे थेट आदेश

कल्याण: कल्याण- डोंबिवली महानगरपालिका हद्दीमध्ये, सध्या अनधिकृत बांधकामावर तोडक कारवाई सुरू आहे. सर्वच प्रभागांमध्ये महानगरपालिकेकडून कारवाई करण्याचे सध्या सुरू आहे. अलीकडेच 27 गावांमध्ये बेकायदा इमारतींवर हातोडा चालवल्यानंतर आता अशातच कल्याण पूर्वेतील चिंचपाडा गावतही महानगरपालिकेने बेधडक कारवाई केली आहे. सोमवारी वॉर्ड 9/1 अंतर्गत चिंचपाड्यातील पवार नगर परिसरात बेकायदेशीर बांधकामांविरोधात कारवाई करण्यात आली. पोलीस बंदोबस्तात बुलडोझरच्या सहाय्याने पालिकेच्या कोणत्याही परवानगीशिवाय बांधलेली सर्व अनधिकृत बांधकामे पाडण्यात आली.