Bhiwandi Crime : बापाच्या भांडणाचा राग मुलावर काढला; भंडाऱ्याच्या कार्यक्रमात तरुणावर सपासप वार

मिळालेल्या माहितीनुसार, हा सर्व प्रकार भिवंडीतील पद्मानगर येथे सोमवारी रात्री घडला आहेत. जिथे काही दिवसांपूर्वी झालेल्या वादातून ओळखीच्या व्यक्तीने तरुणावर चाकू हल्ला केलेला आहे. या अचानक आणि रात्री घडलेल्या घटनेमुळे परिसरात काही काळ तणावाचे वातावरण निर्माण झाले होते.

जगदीश जवारलाल केशरवाणी (वय 55) असे आरोपीचे नाव असून आकाश रामकुमार केशरवाणी (वय 31) हा तरुण या हल्ल्यात गंभीर जखमी झाला आहे. काही महिन्यांपूर्वी जगदीश आणि आकाशच्या वडिलांमध्ये वाद झाला होता. त्या भांडणाचा राग मनात धरून जगदीशने आकाशवर सूड उगवला अशी प्राथमिक माहिती पोलिस तपासात समोर आली आहे.