Palghar News : आईच बनली वैरीण! 4 दिवसांच्या बाळाला उघड्यावर टाकून फरार; चिमुकलीच्या पायाला कुत्र्याने...

डॉक्टरांनी प्राथमिक तपासणी करताच बाळाच्या अंगावरील जखमा पाहून चिंता व्यक्त केली. बाळाच्या अंगावरील जखमा पाहता कुत्रा किंवा इतर भटक्या प्राण्याच्या हल्ल्याचा संशय त्यांनी व्यक्त केला आहे. मात्र या जखमा अपघाती आहेत की मुद्दाम केल्या गेल्या याबाबत कोणतीही माहिती मिळालेली नाही. धक्कादायक बाब म्हणजे या जखमा ताज्या नसून त्या किमान एक दिवस जुन्या असल्याचे डॉक्टरांच्या निदर्शनास आले आहे.

या प्रकरणात धक्कादायक माहिती समोर आली असून बाळ नको असल्याने महिलेने नवजात बालिकेला उघड्यावर टाकल्याचा संशय आहे. लोकांनी जाब विचारल्यानंतर तिने बाळ परत आणले मात्र तोपर्यंत कुत्रा किंवा मांजरीच्या हल्ल्यात बालिका जखमी झाली. प्रकृती गंभीर असल्याने तिला वलसाड रुग्णालयात हलवण्यात आले आहे.