इराणनंतर इस्त्रायलचा आणखी एका देशावर हल्ला, ऑपरेशनल ब्लॅक फ्लॅग ॲक्टीव्ह, 3 बंदरं उडवली

Israel Attack on Yemen : पॅलेस्टाईनवरील हल्ल्यानंतर इस्रायलने इराणवर हल्ला केला होता. आता इराण आणि इस्त्रायलमध्ये युद्धबंदीची घोषणा झाली असून दोन्ही देशांनी सीजफायरचा निर्णय घेतला आहे. यानंतर आता इस्रायलने आणखी एका नवीन देशावर हल्ला केला आहे. इस्रायलने ज्या देशावर हल्ला केला आहे तो देश येमेन आहे. इस्रायलने येमेनच्या हुथी बंडखोरांना लक्ष्य केलं आहे. त्यामुळे मध्य पूर्वेत पुन्हा एकदा तणाव वाढला आहे. इस्रायलने 'ऑपरेशन ब्लॅक फ्लॅग'द्वारे येमेनच्या पश्चिम भागात असलेल्या तीन प्रमुख बंदरांवर हल्ला केला. इस्रायली हवाई दलाने हुदायदाह, रास इसा आणि सैफ अशा तीन बंदरांवर हा मोठा हवाई हल्ला केला. यापूर्वी इस्रायलने इराणच्या अणुस्थळांना लक्ष्य केले होते.