Air Canada Plane : 'प्लीज थांबा...', न्यूयॉर्क एअरपोर्टवर विमानाची ट्रकला धडक, श्वास रोखणारा CCTV

मुंबई : अमेरिकेच्या न्यूयॉर्क विमानतळावर सोमवारी भीषण अपघात झाला आहे. कॅनडाच्या मॉन्ट्रियलहून आलेलं एअर कॅनडा एक्सप्रेसचं जेट विमान न्यूयॉर्कच्या लागार्डिया विमानतळावर उतरल्यानंतर एका वाहनाला धडकलं. या अपघातानंतर विमान आणि वाहनाचं मोठं नुकसान झालं आहे. या अपघातानंतर विमानतळ काही वेळासाठी बंद करण्यात आले. या अपघाताचं श्वास रोखून धरायला लावणारं सीसीटीव्ही फुटेज समोर आलं आहे.