Bangladesh : बांग्लादेशची सूत्रे लष्कराने घेतली हाती, शेख हसीनांनी सोडला देश; काय घडलं?

ढाका : बांगलादेशच्या पंतप्रधान शेख हसीना यांनी राजीनामा दिला आहे. बांग्लादेशमध्ये मोठी राजकीय उलथापालथ झाली असून देशाची सूत्रे आता लष्कराने हाती घेतली आहेत. लष्करप्रमुखांनी देशात हंगामी सरकार स्थापन करणार असल्याचं सांगितलंय. राष्ट्रपतींची भेट घेण्यासाठी सांयकाळी जाणार असल्याची माहिती लष्कर प्रमुखांनी दिलीय. आरक्षणाच्या मुद्द्यावरून धुमसणाऱ्या बांग्लादेशमध्ये रविवारी हिंसाचार उसळला होता. या हिंसाचारात ३०० पेक्षा जास्त नागरिकांचा मृत्यू झालाय. हिंसाचारानंतर शेख हसीना यांनी राजीनामा देत देश सोडला. त्या भारताच्या आश्रयाला आल्या असून त्रिपुरातील आगरताळा इथं पोहोचल्या आहेत.