Donald Trump Iran Conflict: इराणची सत्ता पालटायला गेले पण ट्रम्प यांचीच खुर्ची धोक्यात! व्हाईट हाऊसमध्ये हालचालींना वेग

वॉशिंग्टन: इराणसोबत सुरू असलेल्या युद्धाच्या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प जगाला सर्व काही नियंत्रणात असल्याचे दाखवत आहेत. इराणमध्ये 'रिजीम चेंज' (सत्तापालट) करण्याची गर्जना डोनाल्ड ट्रम्प यांनी केली आहे. दुसऱ्या देशातील सत्ता बदलू पाहणाऱ्या ट्रम्प यांचेच सरकार अस्थिर होत असल्याचे चित्र निर्माण झाले आहे. ट्रम्प यांच्यावर आता अमेरिकेच्या अंतर्गत राजकारणातून मोठा दबाव निर्माण झाला आहे. त्यांच्या स्वतःच्या प्रशासनातच मोठी उलथापालथ सुरू झाल्याने ट्रम्प यांची सत्ता डळमळीत झाल्याची चर्चा रंगू लागली आहे.