पृथ्वी वाचली पण चंद्र धोक्यात, वैज्ञानिकांचा थरकापजनक इशारा; अवकाशातील महाभयंकर विस्फोटाची वेळ, तारीख समोर

नवी दिल्ली: आकाशातून मोठा धमाका दिसण्याची शक्यता व्यक्त केली जात आहे. मात्र घाबरू नका हा धमाका पृथ्वीवर नव्हे तर चंद्रावर होऊ शकतो. शास्त्रज्ञांनी सांगितले आहे की ‘2024 YR4’ नावाचा एक मोठा लघुग्रह (ऍस्टेरॉईड) 2032 मध्ये चंद्रावर आपटण्याची शक्यता वाढली आहे. या अवकाशीय खडकाचा आकार 53 ते 67 मीटर दरम्यान असल्याचं सांगितलं जात असून, हा 1908 मध्ये रशियातील तुंगुस्का स्फोटासाठी जबाबदार असलेल्या क्षुद्रग्रहाएवढाच मोठा आहे. जर हा पृथ्वीवर आदळला असता तर एक संपूर्ण शहर नष्ट झालं असतं. मात्र दिलासादायक बाब म्हणजे पृथ्वीला सध्या कुठलाही धोका नाही, पण चंद्र मात्र याच्या रडारवर आहे.