नेदरलँड्सच्या माजी पंतप्रधानांनी सपत्नीक स्वीकारलं इच्छामरण; भारतातही असं करू शकतो का? काय सांगतो कायदा?

मुंबई : जन्माला आलेल्या प्रत्येकाचा मृत्यू निश्चित आहे. म्हणूनच मृत्यूला अंतिम सत्य असं म्हटलं जातं; मात्र मृत्यू निश्चित असला, तरी तो कधी येणार हे मात्र काही सांगता येत नाही. सर्वसामान्य जीवन जगत असलेली माणसं मृत्यूची वाट पाहत नाहीत. अशा कोणालाही मरायचं नसतं; पण गंभीर आजारी असलेल्यांचं काय? काही आजारपणं इतकी गंभीर असतात, की त्यातून जगलं तरी ते जगणं नकोसं होतं. आत्महत्या हा जीवन संपवण्याचा मार्ग असला, तरी तो कायदेशीर नाही. आत्महत्या हा गुन्हा आहे. स्वतःचं जीवन नको असलं तरी ते संपवण्याचा अधिकार मात्र स्वतःला नाही. स्वतःच्या इच्छेने मरणं म्हणजेच इच्छामरण. त्याला फार मोजक्या देशांमध्ये कायद्याने परवानगी आहे. नेदरलँड्सचे माजी पंतप्रधान ड्रीस वॅन एग्ट आणि त्यांची पत्नी युजिन यांनी इच्छामरण आपलंसं केलं आहे. दोघांचंही वय 93 वर्षं होतं आणि बऱ्याच काळापासून सुरू असलेल्या आजारपणाला कंटाळून त्यांनी हा निर्णय घेतला. त्यांच्या देशाचा कायदा तशी परवानगी देतो. याविषयी अधिक जाणून घेऊ या. 'झी न्यूज'ने याबद्दलचं वृत्त दिलं आहे.