Israel Attacks Iran : इस्रायलने पहिल्याच अटॅकमध्ये इराणचं कंबरडं मोडलं, आर्मी चीफ आणि 3 शास्त्रज्ञ ठार

इस्रायलने इराणवरील हल्ल्याला 'ऑपरेशन रायझिंग लायन' असं नाव दिलं आहे. इस्रायली सैन्याने तेहरान आणि नतान्झसारख्या शहरांमधील लष्करी आणि अणु तळांना लक्ष्य केलं. इराणी माध्यमांनी पुष्टी केली की राजधानी तेहरानच्या ईशान्येकडील मोठ्या स्फोटांचे आवाज ऐकू आले आणि आकाशात काळ्या धुराचे लोट पसरले.

इराणी माध्यमांनुसार, इस्रायली हल्ल्यात अनेक उच्च लष्करी अधिकारी आणि अणुशास्त्रज्ञ ठार झाले. इस्लामिक रिव्होल्यूशनरी गार्ड कॉर्प्स (IRGC) प्रमुख जनरल हुसेन सलामी, खातम अल-अंबिया प्रमुख सरदार रशीद आणि दोन प्रमुख अणुशास्त्रज्ञ डॉ. फेरेदून अब्बासी आणि डॉ. तेहरानची यांचा मृत्यू झाला. यामुळे इराणच्या लष्करी आणि वैज्ञानिक नेतृत्वाला मोठा धक्का बसला आहे.

इस्रायलचे बेंजामिन नेतान्याहू म्हणाले की, इस्रायलच्या इतिहासातील हा एक निर्णायक क्षण आहे. आम्ही इराणला अण्वस्त्रं बनवू देणार नाही.