12 टन किटकॅट चॉकलेटची चोरी, अक्खा ट्रक गायब केला; कंपनीकडून दरोडेखोरांचे कौतुक, पण 4 लाख KitKat बार गेले कुठे?

झुरिच: स्विसमधील नेस्लेने (Nestle) शनिवारी दिलेल्या माहितीनुसार गेल्या आठवड्यात युरोपमध्ये एका ट्रकची चोरी झाली असून त्यात तब्बल 12 टन किटकॅट चॉकलेटचे बार होते. कंपनीने दिलेल्या माहितीनुसार किटकॅटच्या नवीन रेंजचे 4,13,793 चॉकलेट बार घेऊन हा ट्रक मध्य इटलीतून युरोपभर वितरणासाठी निघाला होता. मात्र हा ट्रक पोलंडमधील आपल्या नियोजित ठिकाणी कधीच पोहोचला नाही.