Google Map Mistake: गुगल मॅपने गंडवलं अन् पुरात आणून सोडलं, 7 प्रवाशांची सुखरुप सुटका

भिवंडी: सध्या माहिती नसलेल्या रस्त्याने जाताना बहुतेक जण गुगल मॅपचाच आधार घेतात. मात्र, याच तंत्रज्ञानाने काहींची फसगत झाल्याचे प्रकारही पुढे येतात. आता असाच प्रकार भिवंडीत घडला आहे. गुगल मॅपमुळे चुकीच्या रस्त्याने जाऊन दोन कार अडकून पडल्याची घटना घडलीये. रविवारी बापगाव-सोनाळे रस्त्यावर साचलेल्या पाण्यात दोन कार प्रवासी घेऊन गेल्या. अखेर भिवंडी महसूल विभाग आणि अग्निशमन दलाच्या प्रयत्नाने कारमधील प्रवाशांची सुखरूप सुटका करण्यात आली.