नको मला बंगला, गाडी, उंट पाहिजे! नवरदेवाचा हट्ट; पण सासरच्यांनी म्हैस दिली आणि पुढे भयंकर घडलं

कलावती पुन्हा सासरच्या घरी राहू लागली, याला 4 वर्षे उलटली. काशीरामने वडिलांचं घर सोडलं होतं आणि पत्नी मुलांसह श्रीगंगानगरच्या प्रेमनगर इथं भाड्याच्या घरात राहत होता.  कलावतीचा भाऊ दूध देण्यासाठी तिथं जात असेल, ज्यामुळे त्याला त्यांची खबरही मिळत असे. 3 फेब्रुवारी 1998 ला कलावतीने भावाला दूध आणू नको सांगितलं. दुसऱ्या दिवशी 4 फेब्रुवारी 1998 रोजी कलावतीची आई जयकौरी कलावतीच्या घरी गेली. पण घराला कुलूप होतं. ती सलग दोन दिवस तिथं आली. संपूर्ण कुटुंब अचानक गायब झालं होतं. त्यांचा शोध घेतला तर काहीच पत्ता नाही. शेवटी घराचं टाळं तोडलं. तर दृश्य पाहून सगळे हादरले.