Kitchen Jugaad Video : कपडे धुण्याशिवाय वॉशिंग मशीनचा असाही वापर; एकदा पाहाल तर नेहमी कराल

तुम्हाला काय वाटतं, वॉशिंग मशीनमध्ये तुम्ही आणखी काय करू शकता. तुम्हाला आश्चर्य वाटेल पण तुम्ही यात चक्क लसूण सोलू शकता.  स्वयंपाक करताना सर्वात कंटाळवाणं आणि वेळ लागणारं काम कोणतं विचारलं तर कुणीही सांगेल ते म्हणजे लसूण सोलण्याचं. लसणीच्या कांद्यापासून एकएक पाकळी वेगळी करून त्याची साल काढणं म्हणजे खूपच त्रासदायक. लसूण सोलण्यात वेळही जातो आणि कंटाळाही येतो. पण वॉशिंग मशीनमुळे तुमचं हे मिनिटांचं काम अवघ्या काही तासात होईल.

आता वॉशिंग मशीनमध्ये लसूण कशी सोलायची तो पाहुयात. तुम्हाला जितकी लसूण लागणार आहे तितकी लसूण घ्या. लसणीच्या पाकळ्या वेगळ्या करा आणि ही लसूण 15-20 मिनिटं थंड पाण्यात टाकून ठेवा. आता कॉटन बॅग किंवा सुती कापड घ्या. त्यात भिजवलेला लसूण ठेवून त्यात गुंडाळून घ्या. आता लसूण गुंडाळलेलं हे कापड वॉशिंग मशीनच्या ड्रायरमध्ये टाका. झाकण लावून 2 ते 5 सेकंद फिरवून घ्या.

आता वॉशिंग मशीनमधील लसूण ठेवलेलं कापड बाहेर काढा आणि उघडून पाहा. लसणीच्या साली निघालेल्या दिसतील. पण तरी त्यातील एक एक लसूण निवडून काढणंही शक्य नाही. त्यामुळे पुन्हा ही लसूण सालीसह पाण्यात टाका. साली हलक्या असल्याने त्या पाण्याच्या वर तरंगतील तर लसूण पाण्याच्या तळाशी राहिल.

वर्दान पक्वान युट्युब चॅनेलवर हा व्हिडीओ पोस्ट करण्यात आला आहे. अगदी कमीत कमी वेळेत लसूण सोलण्याची ही सोपी पद्धत आहे. तुम्ही हा जुगाड करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये नक्की सांगा.

(सूचना - या लेखात दिलेली माहिती सोशल मीडियावरील व्हायरल व्हिडिओवर आधारित आहे. न्यूज18मराठीचा याच्याशी संबंध नाही. न्यूज18मराठी याची हमी देत नाही.)