अरे बापरे बाप! काय आहे हे? पोट दुखतंय म्हणून आला, ऑपरेशननंतर डॉक्टरही धक्क्यात

उत्तर प्रदेशच्या हापूरमधील हे प्रकरण आहे. बुलंद शहरात राहणारा 40 वर्षांचा सचिन. ज्याच्या पोटात दुखत होतं म्हणून त्याला रुग्णालयात नेण्यात आलं. डॉक्टरांनी त्याचा एक्स-रे रिपोर्ट काढला आणि त्यांना त्याच्या पोटात काहीतरी विचित्र दिसून आलं. त्यांनी ऑपरेशन करण्याचा सल्ला दिला. ऑपरेशननंतर त्याच्या पोटातून जे बाहेर पडलं ते पाहून डॉक्टरही हैराण झाले.

ऑपरेशन दरम्यान डॉक्टरांनी सचिनच्या पोटातून एकूण 49 वस्तू काढल्या. ज्यात 28 स्टीलचे चमचे, 19 टूथब्रश आणि 2 पेन यांचा समावेश होता. डॉ. श्याम कुमार यांनी स्पष्ट केलं की मानसिक समस्या असलेल्या लोकांमध्ये असे प्रकार सामान्यतः दिसून येतात.

सचिनला ड्रग्जचं व्यसन होतं. त्याच्या कुटुंबाने त्याला गाझियाबादमधील ड्रग्ज डिअ‍ॅडिक्शन सेंटरमध्ये दाखल केलं. पण तिथं अन्नाचा अभाव आणि ताण यामुळे सचिन रागराग करू लागला. हळूहळू तो स्टीलचे चमचे, टूथब्रश आणि पेन गिळू लागला. ही सवय अनेक दिवस चालू राहिल्यानंतर त्याला पोटात तीव्र वेदना होऊ लागल्या. त्याला हापूरच्या देवनंदिनी रुग्णालयात नेण्यात आलं. शस्त्रक्रियेनंतर सचिनची प्रकृती स्थिर आहे आणि त्याला रुग्णालयातून डिस्चार्ज देण्यात आला आहे.