या गावात होळीला रंग नाही तर एकमेकांवर फेकतात दगड; 30 लोक पोहोचले रुग्णालयात

जयपूर : होळीचा सण देशभरात गुलाल आणि रंगांनी खेळला जातो. मात्र आदिवासीबहुल डुंगरपूर जिल्ह्यात होळीची अनोखी आणि धोकादायक परंपरा आजही पाळली जात आहे. डुंगरपूर जिल्ह्यातील भिलुडा गावात सोमवारी धुलिवंदनच्या दिवशी दगडफेकीची होळी खेळण्यात आली. येथे लोकांनी रंग आणि गुलालाऐवजी एकमेकांवर दगडफेक केली. यामध्ये 30 हून अधिक जण जखमी झाले आहेत. जखमींवर जवळच्या रुग्णालयात उपचार सुरू आहेत. दगडफेकीच्या जखमेतून वाहणाऱ्या रक्तामुळे परिसरात समृद्धी येते, असा समज आहे.