Viral Home Remedies : प्रेग्नन्सीत केसर खाल्ल्याने खरंच बाळाचा रंग गोरा होतो? Myth Or Fact

केसरमध्ये असलेल्या पोषक गुणधर्मांमुळे गर्भवती महिलांना काही फायदे मिळू शकतात. पण ते योग्य प्रमाणात घेतल्यास. अधिक प्रमाणात घेतल्यास तो घातक ठरू शकतो. साधारणपणे, गर्भवती महिलांनी रोज एक-दोन केसरचे तंतू दुधात मिसळून घेणं सुरक्षित मानलं जातं. मात्र, अधिक प्रमाणात केसर घेतल्यास ते अपायकारक ठरू शकतं. जास्त केसर सेवन केल्यास अपचन, उलटी, अतिसार आणि चक्कर येणं यासारखे दुष्परिणाम दिसू शकतात. याशिवाय, जास्त प्रमाणात केसर घेतल्यामुळे रक्तदाब खूप कमी होण्याची शक्यता असते. गर्भाशयातील आकुंचन वाढल्यामुळे गर्भपात होण्याचा धोका देखील निर्माण होतो.