गोबर गॅस आणि दुग्ध व्यवसायाने कायापालट, संपूर्ण गाव बनलं आदर्श मॉडेल

सिंधुदुर्ग : सिंधुदुर्ग जिल्ह्यातील कुडाळ तालुक्यातील निवजे गाव, सह्याद्रीच्या पायथ्याशी वसलेले आहे. हे गाव आता कार्बनमुक्त आणि धुरमुक्त गाव म्हणून ओळखले जाते. एकेकाळी येथे चुलींसाठी लाकडे जाळली जात होती. मात्र, भगीरथ ग्रामविकास प्रतिष्ठान या संस्थेच्या प्रयत्नांमुळे गावात गोबर गॅस प्रकल्पांना सुरुवात केली. त्यामुळे गाव धूरमुक्त झाले असून, निसर्गाचे संरक्षण साधले गेले आहे.

गोबर गॅस प्रकल्प सुरू करण्यासाठी आवश्यक शेण मिळवण्यासाठी गावाने दुग्ध व्यवसायाकडे वळण्याचा निर्णय घेतला. गावात आता दररोज 300 लिटर दूध संकलन होते, आणि वार्षिक टर्नओव्हर सुमारे एक कोटी रुपये आहे.