'त्या' 3 बैलांना कुणी मारलं, बिबट्यानं की वाघानं? वन विभाग आहे कन्फूज, शेतकऱ्यांना भरलीय धडकी! 

सविस्तर वृत्त असं की, तुळजापूर तालुक्यात महादेव आणि आबासाहेब गंधुरे या दोन सख्ख्या भावांना मोठ्या नुकसानीस सामोरं जावं लागलं आहे. याचं कारण तो अज्ञात हिंस्त्र प्राणी. त्याने दोन्ही भावांचा 2 बैलांचा फडशा पाडलेला आहे. तर एक बैल गंभीर जखमी आहे, या घटनांमुळे परिसरात चांगलीच भीती पसरली आहे.

'तो प्राणी कोण', या प्रश्नाचं उत्तर वन विभागालाही देता आलेलं नाही. अधिकारी म्हणतात की, पावसामुळे चिखल झालेला आहे. त्यात प्राण्याच्या पाऊल खुणा व्यवस्थित दिसत नाहीत. त्यामुळे ओळखता येणं कठीण आहे. सर्च ऑपरेशन सुरू करण्यात आलंय. पण, हा प्राणी बिबट्या आहे की, वाघ हे सध्या सांगता येणार नाही.

अमृतवाडी येथील महादेव गुंधरे यांचा 3 वर्षांचा बैल होता. शुक्रवारी या अज्ञान प्राणी त्याचा फडशा पाडला. ही घटना नुकतीच घडली असताना, शनिवारी महादेव यांचा भाऊ आबासाहेब गंधुरे हे शेतात जनावरांचं दूध काढण्यासाठी गेले असता, त्यांना त्यांच्या 4 वर्षांच्या बैलावर पुन्हा अज्ञान प्राण्याने हल्ला केल्याचं लक्षात आलं. त्यांनी आरडाओरडा केला, तेवढा तो प्राणी पळून गेला. या घटनेत एक बैल जखमी झाला, तर दुसरा मृत्यूमुखी पडला.