Farmer Success Story: शेतकऱ्याची कमाल, 26 गुंठ्यात केली शेती, 40 दिवसात 60 हजार नफा

सोलापूर :- बदलत्या काळानुसार शेतकरी देखील आता शेतीमध्ये पिकं बदलत चाललेला आहे. पारंपरिक पिकं न घेता कमी क्षेत्रामध्ये अधिकाधिक उत्पन्न कसे मिळेल हाच विचार करून शेतकरी पिकं घेत आहेत. अशीच काहीशी शेती सोलापूर जिल्ह्यातील मोहोळ तालुक्यातील हराळवाडी गावातील शेतकरी विष्णू हराळे यांनी केली आहे. अवघ्या 26 गुंठ्यात मुळ्याची लागवड केली असून दहा हजार रुपये खर्च मुळा लागवडीसाठी आला आहे. तर 40 दिवसांत 60 हजार रुपयांचा उत्पन्न मिळाले आहे. या शेती संदर्भात अधिक माहिती शेतकरी विष्णू हराळे यांनी लोकल 18 शी बोलताना दिली.