Ativrushti Anudan : अतिवृष्टी नुकसान भरपाईबाबत शासनाचा नवा निर्णय! या जिल्ह्यातील शेतकऱ्यांच्या खात्यावर थेट पैसे येणार

अकोला : मागील ऑगस्ट आणि सप्टेंबर महिन्यात झालेल्या प्रचंड पावसामुळे अकोला जिल्ह्यातील अनेक शेतकऱ्यांचे मोठ्या प्रमाणावर नुकसान झाले होते. विशेषतः अतिवृष्टी आणि पूरपरिस्थितीमुळे शेतमालाची नासधूस होऊन शेतकरी आर्थिक संकटात सापडले होते. या पार्श्वभूमीवर राज्य शासनाने या शेतकऱ्यांना मदतीचा हात देण्याचा निर्णय घेतला असून, 18 मार्च रोजीच्या शासन निर्णयानुसार एकूण 79 कोटी 48 लाख 51 हजार रुपयांची आर्थिक मदत जाहीर करण्यात आली आहे. ही रक्कम थेट संबंधित 56 हजार 648 शेतकऱ्यांच्या बँक खात्यात वर्ग केली जाणार आहे.