Kalyan News : आधी लोखंड आता फ्राईड राईसमध्ये झुरळ, रामदेव हॉटेलचा धक्कादायक निष्काळजीपणा

मुंबई महापालिकेत उच्च पदावर कार्यरत निकिता जाधव या रामदेव हॉटेलमध्ये फ्राई़ड राईस पार्सल घेण्यासाठी गेल्या होत्या.आपल्या मुलीसाठी त्यांनी हे जेवण घेतले होते.त्यानंतर घरी जाऊन त्यांनी जेवण उघडून पाहिले असता त्यांना फ्राई़ड राईसमध्ये झुरळ आढळल्याचे  दिसून आले होते. त्यानंतर निकिता जाधव यांनी हॉटेलमध्ये येऊन संबंधित घटनेची तक्रार करण्याचा प्रयत्न केला होता.पण हॉटेल मालकांनी त्यांना उडवा उडवीची उत्तर दिली.

त्यानंतर निकिता जाधव माध्यमांना या घटनेची माहिती दिली. तसेच माझ्या मुलींनी तो फ्राईड खाल्ला असता आणि तिला जर काही झाले असते तर या गोष्टीला जबाबदार कोण असंत असा सवाल त्यांनी उपस्थित केला आहे. तसेच यावर हॉटेल व्यवस्थापकांशी बोलण्याचा प्रयत्न केला असता त्यांनी बोलण्यास नकार दिला आहे. त्यामुळे ही घटना वाचून नागरीकांमधून संताप व्यक्त होत आहे. तसेच हॉटेल मालक नागरीकांशी जीवीताशी खेळत असल्याचा आरोप होत आहे.