घोगरे कुटुंबीयांचा शेतात भन्नाट प्रयोग!चार महिन्यांत १८ लाख रुपये, दुष्काळातही घरात येतोय लाखोंनी पैसा, असं केलं तरी काय?

मुंबई : दुष्काळ, अनिश्चित पाऊस आणि वाढता खर्च यामुळे शेती म्हणजे जुगार, अशी भावना अनेकांमध्ये आहे. मात्र जैतापूर येथील घोगरे कुटुंबीयांनी या समजुतीला छेद देत प्रयोगशील शेतीतून यशाचा नवा आदर्श निर्माण केला आहे. अवघ्या दीड एकर क्षेत्रात हिरवी मिरची आणि आल्याची लागवड करून त्यांनी केवळ चार महिन्यांत तब्बल १८ लाख रुपयांचे घवघवीत उत्पन्न मिळवले आहे. योग्य नियोजन, आधुनिक शेती तंत्रज्ञान आणि बाजारपेठेचा अचूक अभ्यास केल्यास कमी क्षेत्रातही मोठे यश मिळू शकते, हे त्यांनी कृतीतून दाखवून दिले आहे.