कडक उन्हाचा कांदा शेतीवर परिणाम, पिकाचे कसे कराल संरक्षण? सोप्या टिप्सचा Video

अमरावती : सध्या उन्हाळ्याचे कडक तापमान वाढत असून त्याचा थेट परिणाम शेतीवर होताना दिसत आहे. विशेषतः कांदा पिकासाठी हा काळ अतिशय महत्त्वाचा आणि तितकाच धोकादायक मानला जातो. वाढत्या उष्णतेमुळे कांदा पिकाची सड, आकार कमी होणे आणि टिकवण क्षमतेवर परिणाम होण्याचा धोका निर्माण होतो. त्यामुळे कांदा पिकाची योग्य काळजी घेणे आवश्यक ठरते. अशा परिस्थितीत अमरावती येथील प्रयोगशील शेतकरी रवींद्र मेटकर यांनी कांदा पिकाच्या संरक्षणासाठी एक सोपा आणि प्रभावी उपाय सुचवला आहे. विशेष म्हणजे त्यांच्या या प्रयोगशील कामाची दखल घेत त्यांची निवड ऑक्सफर्ड युनिव्हर्सिटीमध्ये चर्चेसाठी झाली आहे, ही शेतकऱ्यांसाठी अभिमानाची बाब आहे.