Banana Farming : मराठवाड्यातील शेतकऱ्यानं करून दाखवलं, केवळ 30 गुंठ्यात 9 लाखांचं उत्पन्न, कशी केली केळीची शेती?

जालना : पारंपरिक पिकांना फाटा देऊन शेतकरी आपल्या शेतामध्ये वेगवेगळे प्रयोग करत असतात. जालना जिल्ह्यातील दहिफळ येथील महादेव काळे या शेतकऱ्याने देखील असाच प्रयोग केला आहे. मराठवाड्यामध्ये कापूस, तूर, सोयाबीन ही प्रमुख पिके घेतली जातात. मात्र त्यांनी टिशू कल्चर पद्धतीची केळीची रोपे मागवून केळीची बाग फुलवली आहे. या बागेतून 600 क्विंटल केळीचे उत्पन्न अपेक्षित असून किमान 9 लाख उत्पन्न होईल, असं महादेव काळे यांनी लोकल 18 शी बोलताना सांगितलं. पाहुयात कसं केलं काळे यांनी केळी पिकाचे नियोजन.