राज्य सरकारकडून मोठा दिलासा! 'या' कांदा उत्पादक शेतकऱ्यांना अनुदानाचे पैसे मिळणार

शासनाच्या निर्णयानुसार, अहमदनगर जिल्ह्यातील कोपरगाव तालुक्यातील शेतकऱ्यांना हे अनुदान मिळणार आहे. 1 फेब्रुवारी ते 31 मार्च 2023 या कालावधीत कृषी उत्पन्न बाजार समिती, खासगी बाजार समिती किंवा नाफेडमार्फत लाल कांदा विक्री केलेल्या शेतकऱ्यांना प्रती क्विंटल 350 रुपये अनुदान देण्याचा निर्णय घेण्यात आला होता. मात्र, तांत्रिक अडचणी व कागदपत्रांची अपूर्णता यामुळे अनेकांना लाभ मिळू शकला नव्हता. त्यामुळे शेतकरी नाराज होते आणि या प्रश्नावर सातत्याने पाठपुरावा सुरू होता.