Success Story : 4 वर्षांपूर्वी घेतला निर्णय, बिजली फुल शेतीमधून शेतकऱ्याचं नशीब पालटलं, लाखात कमाई

छत्रपती संभाजीनगर : फुलंब्री तालुक्यातील शिरोडी खुर्द येथे सुधाकर भोकरे हे गेल्या चार वर्षांपासून फुल शेती करत आहेत. गतवर्षी त्यांनी बिजली या फुलाची 20 गुंठे क्षेत्रात लागवड केली होती. यातून त्यांना 4 लाखांचे उत्पन्न मिळाले होते. यंदा देखील त्यांनी 10 गुंठे क्षेत्रात बिजली लागवड केली असून आतापर्यंत या शेतीतून त्यांना 80 हजार रुपयांचा नफा मिळाला असून, महिनाभरात 70 हजारांपर्यंत उत्पन्न मिळेल, असे एकूण खर्च वजा करून 1.50 लाखांपर्यंत उत्पन्न त्यांना मिळणार आहे. तसेच फुल शेती कशा पद्धतीने करावी? इतर शेतकऱ्यांनी फुलशेतीत यावे का याबद्दल सविस्तर माहिती लोकल 18 च्या माध्यमातून जाणून घेऊ.