Soyabean Rate : सोयाबीनच्या दरात मोठी तेजी, तुरीने ओलांडला 9 हजाराचा टप्पा, कापसाला काय मिळाला भाव?

राज्यात सर्वाधिक 7031 क्विंटल कापसाची आवक हिंगणघाट बाजार समितीत झाली. तर सर्वात जास्त 8138 रुपयांचा भाव अकोला बोरगाव मंजू या बाजार समितीत मिळाला. राज्यातील कापसाचे दर स्थिर आहेत.

राज्यात सर्वाधिक 11 हजार क्विंटल सोयाबीनची आवक लातूर बाजार समितीत झाली. तर सर्वात जास्त 6690 रुपये एवढा विक्रमी दर मिळाला. सोयाबीन दरात मागील काही दिवसांत तेजी आली आहे. सोयाबीनला सरासरी 5500 रुपये दर मिळत आहे.

कांद्याची आवक मोठ्या प्रमाणात होत असल्याचे पहायला मिळत आहे. त्यामुळे दर देखील कमीच आहेत. सोलापूरमध्ये सर्वाधिक 41000 क्विंटल कांद्याची आवक झाली. इथे कांद्याला कमीत कमी 100 तर जास्तीत जास्त 2100 रुपये दर मिळाला. तर राज्यात सर्वाधिक 2500 रुपये क्विंटल दर कामठी बाजार समितीत मिळाला.