TRENDING:
अमरावती विभागात आवक मोठी, दर स्थिर
राज्यात सर्वाधिक सोयाबीनची आवक अमरावती बाजार समितीत नोंदवली गेली. येथे तब्बल ५,७८१ क्विंटल सोयाबीनची आवक झाली. लोकल प्रतीच्या सोयाबीनला किमान ५,१०० तर कमाल ५,३०० रुपये भाव मिळाला असून, सर्वसाधारण दर ५,२०० रुपये राहिला. मोठ्या प्रमाणातील आवक असूनही दर टिकून राहिल्याने शेतकऱ्यांना काहीसा दिलासा मिळाला आहे.
advertisement
मुर्तीजापूर, तुळजापूरमध्ये उच्चांकी दर
मुर्तीजापूर बाजार समितीत पिवळ्या प्रतीच्या सोयाबीनला चांगली मागणी राहिली. येथे १,१०० क्विंटल आवक असून, दर ५,३३० ते ५,४०० रुपये दरम्यान राहिले. सर्वसाधारण दर ५,३६५ रुपये नोंदवण्यात आला, जो आजच्या बाजारातील उच्चांकी दरांपैकी एक ठरला.
तसेच तुळजापूर बाजारात १६५ क्विंटल आवक झाली असून, येथे सोयाबीनला थेट ५,३५० रुपये असा एकसमान दर मिळाला. दर्जेदार आणि स्वच्छ मालामुळे व्यापाऱ्यांनी चांगला भाव दिल्याचे चित्र आहे.
नागपूर, चंद्रपूरमध्ये दरात चढ-उतार
नागपूर बाजार समितीत लोकल सोयाबीनची ६२९ क्विंटल आवक झाली. येथे किमान ४,४०० तर कमाल ५,२५१ रुपये दर मिळाला. सर्वसाधारण दर ५,०३८ रुपये राहिला. दर्जानुसार दरांमध्ये मोठी तफावत दिसून आली.
चंद्रपूर बाजारात मात्र आवक अत्यल्प म्हणजेच ३६ क्विंटल इतकीच राहिली. येथे किमान ४,२०० तर कमाल ४,९४० रुपये भाव मिळाला. सर्वसाधारण दर ४,७०० रुपये असल्याने या भागात दर काहीसे दबावाखाली असल्याचे स्पष्ट होते.
बुलढाणा जिल्ह्यात मध्यम दर
बुलढाणा जिल्ह्यातील विविध बाजारांत सोयाबीनचे दर मध्यम पातळीवर राहिले. बुलढाणा बाजारात १२० क्विंटल आवक झाली असून, किमान ५,००० तर कमाल ५,३०० रुपये दर मिळाला. सर्वसाधारण दर ५,१५० रुपये नोंदवण्यात आला.
देउळगाव राजा येथे ३४ क्विंटल आवक असून, दर्जानुसार दर ४,१०० ते ५,१६१ रुपयांपर्यंत राहिले. मंठा, नांदगाव आणि पिंपळगाव (ब) औरंगपूर-भेंडाळी या बाजारांतही पिवळ्या प्रतीच्या सोयाबीनला ५,००० रुपयांवरील दर मिळाले आहेत.