तरुण शेतकऱ्याची कमाल! नेट हाऊसमध्ये केली काकडीची लागवड, आता होतेय लाखोंची कमाई

एक एकर जमिनीत केली लागवड

कसना गावचा 28 वर्षीय तरुण शेतकरी प्रणव नानजीभाई तरार, ज्यांनी इंजिनिअरिंगचं शिक्षण घेतलं आहे, ते नोकरीच्या तयारीसोबत शेतीही करत आहेत. त्यांनी एक एकर जमिनीत काकडीची लागवड केली आहे आणि त्यांना यातून चांगल्या उत्पन्नाची अपेक्षा आहे.

कमी खर्चात जास्त उत्पादन

प्रणवभाई सांगतात की नेट हाऊसमध्ये काकडी पिकवण्याचे अनेक फायदे आहेत. नेट हाऊसच्या संरचनेमुळे पिकांचं अतिवृष्टी, तीव्र उष्णता आणि किडींच्या हल्ल्यांसारख्या नैसर्गिक आपत्तींपासून संरक्षण होतं. या तंत्रज्ञानामुळे नियंत्रित वातावरणात वाढलेल्या काकडीची गुणवत्ता उत्कृष्ट असते, ज्यामुळे बाजारात चांगला भाव मिळतो. इतकंच नव्हे, तर या शेतीत पारंपरिक शेतीच्या तुलनेत कमी पाण्यात आणि कमी खर्चात जास्त उत्पादन मिळतं.

advertisement

सरकारच्या मदतीने केलीय आधुनिक शेती

प्रणवभाई सांगतात की, या शेतीत यश मिळवण्यासाठी त्यांना गुजरात सरकारमधील फलोत्पादन विभागाच्या अनुदान योजनेची खूप मदत झाली. नेट हाऊस उभारणीसाठी त्यांना आर्थिक मदत मिळाली, ज्यामुळे सुरुवातीच्या गुंतवणुकीचा भार कमी झाला. या अनुदानामुळे त्यांना आधुनिक शेती तंत्रज्ञान स्वीकारण्यास प्रोत्साहन मिळालं. त्यांना फलोत्पादन विभागाकडून नेट हाऊस उभारणीसाठी 75% अनुदान मिळालं. फलोत्पादन विभागाकडून मिळालेल्या प्रशिक्षण आणि मार्गदर्शनामुळे त्यांना नवीन शेती पद्धती शिकायला मिळाल्या, ज्यांचा त्यांनी प्रभावीपणे वापर केला.

6 लाखांपर्यंत उत्पन्न मिळण्याची अपेक्षा

नेट हाऊससारख्या आधुनिक पद्धतींनी पारंपरिक शेतीत हवामानाची अनिश्चितता आणि कमी नफ्याचा सामना करणाऱ्या शेतकऱ्यांना नवी आशा दिली आहे. तरुण शेतकरी प्रणवभाईंनी पहिल्यांदाच काकडीची लागवड केली आहे, जे तीन ते चार महिन्यांचं पीक मानलं जातं आणि बाजारात त्याला सरासरी 20 रुपये प्रति किलो भाव मिळतो. त्यांनी या काकडीच्या लागवडीवर अंदाजे 30% ते 35% खर्च केला आहे आणि त्यांना 60% ते 65% नफ्याची अपेक्षा आहे. आतापर्यंत त्यांनी बाजार समितीत 12 टन काकडी विकली आहे, ज्याला सध्या सरासरी 20 ते 25 रुपये भाव मिळत आहे. संपूर्ण लागवडीतून त्यांना 35 ते 40 टन काकडीचं उत्पादन अपेक्षित आहे, म्हणजेच या सरासरी भावानुसार त्यांना सहा लाखांपर्यंत उत्पन्न मिळू शकतं.

हे ही वाचा : नव्या माठातील पाणी थंड का होत नाही? त्यामागे आहेत 'ही' 3 कारणं, करा 'हे' 2 उपाय; पाणी मिळेल थंडगार

हे ही वाचा : सुंदर दिसणारी 'ही' फुलं आहेत विषारी! चुकूनही करू नका स्पर्श, अन्यथा व्हाल आंधळे अन् जाईल जीव