TRENDING:
मोहोळ तालुक्यातील कोन्हेरी गावात राहणाऱ्या सागर शेंबडे या तरुणाचे शिक्षण बारावीपर्यंत झाले आहे. शिक्षण घेऊनही नोकरी मिळत नसल्याने सागरने बारावीपर्यंत शिक्षण घेऊन शेती करायचा निर्णय घेतला. गेल्या 10 वर्षांपासून सागर शेती करत आहे. यंदाच्या वर्षी सागरने एका एकरात खरबुजाची लागवड केली आहे. खरबूज लागवडीपूर्वी सागरने शेतीची मशागत करून खरबुजाची लागवड केली. खरबुजावर करपा, भुरी हा रोग पडू नये म्हणून वेळोवेळी फवारणी करून घेतली. एका एकरात खरबूज लागवडीसाठी सागरला 60 हजार रुपयांचा खर्च आला आहे. तर खर्च वजा करून दोन ते अडीच लाख रुपयांचा नफा मिळणार असल्याची माहिती सागर शेंबडे यांनी दिली.
advertisement
Valentines Day ला खिशाला कात्री, गुलाबाला सोन्याचं मोल, किती मोजावे लागणार? Video
सध्या सागर कोन्हेरी गावातून खरबुजाची विक्री सोलापूर कृषी उत्पन्न बाजार समितीत करत आहे. तसेच आठवड्यातून एकदा पुणे किंवा मुंबईच्या मार्केटमध्ये खरबुजाची विक्री करत आहे. तर बाजारामध्ये खरबुजाला सध्या 15 ते 20 रुपये किलो दराने भाव मिळत आहे. तरुणांनी केवळ उच्च शिक्षण किंवा नोकरीच्या मागे न धावता, आधुनिक तंत्रज्ञानाची जोड देऊन शेतीकडे वळावे. योग्य नियोजन केल्यास नोकरी करणाऱ्या व्यक्तीलाही लाजवेल इतके उत्पन्न शेतीतून नक्कीच मिळू शकते, असा मोलाचा सल्ला सागर शेंबडे यांनी दिला आहे.