TRENDING:
शिरोडी खुर्द येथे सुधाकर भोकरे यांची बिजली फुल शेती चांगल्या दर्जाची असून या शेतीचे व्यवस्थापन देखील योग्य पद्धतीने आहे. या शेतीत येण्याची कल्पना त्यांना फुल बाजारामध्ये गेल्यामुळे तसेच फुलांचे भाव चांगले असल्यामुळे फुलांना मागणी देखील असल्यामुळे त्यांनी फुलशेतीत येण्याचा निर्णय घेतला आणि बाजाराचा अभ्यास करून या शेतीला सुरुवात केली.
advertisement
बिजली फुल शेतीमध्ये पाणी व्यवस्थापन खूप गरजेचे आहे, त्यामुळे पाणी फुलांच्या कलमाच्या बाजूने द्यावे लागते. सुरुवातीच्या काळात खत व पाणी ड्रीपद्वारे द्यायचे. मात्र, काही कालावधीनंतर कलमाच्या मधोमध पाणी जाईल, या पद्धतीने पाणी देणे महत्त्वाचे आहे, त्यामुळे बिजली दर्जेदारपणे फुलून दिसते. इतर पिकांपेक्षा फुल शेतीमध्ये फायदा आहे. फुल शेती कमी वेळात, कमी जागेत आणि योग्य नियोजनाने होते, असे भोकरे यांनी सांगितले आहे.
नवीन शेतकऱ्यांना किंवा तरुणांना फुल शेती या व्यवसायात उत्पादन घ्यायचे झाल्यास सुरुवातीच्या काळात फुल शेती करणाऱ्या शेतकऱ्यांचे मार्गदर्शन घ्यावे, नियोजन आखणी करावी तसेच यासाठी जिद्द आणि मेहनत करण्याची तयारी ठेवणे देखील महत्त्वाचे आहे. या फुलशेतीसाठी शेणखताचा वापर करावा, असा सल्ला देखील भोकरे यांनी दिला आहे.