पुढच्या 48 तासांत शनि अस्त,कोणत्या राशींना सावध राहावं लागणार? कोण मालामाल होणार?

13 मार्चपासून शनी अस्त

ज्योतिषशास्त्रीय गणनेनुसार 13 मार्च 2026 रोजी शनी ग्रह मीन राशीत अस्त होणार आहे. सूर्याच्या अत्यंत जवळ गेल्यामुळे शनीची प्रभावी शक्ती कमी होते आणि या स्थितीला ‘शनि अस्त’ असे म्हटले जाते. या अवस्थेचा प्रभाव साधारण 22 एप्रिल 2026 पर्यंत म्हणजे सुमारे 40 दिवस राहणार आहे.

शनि अस्त होण्याची वेळ 13 मार्च रोजी संध्याकाळी 7 वाजून 13 मिनिटांची असल्याचे सांगितले जाते. त्यानंतर 22 एप्रिल रोजी पहाटे 4 वाजून 49 मिनिटांनी शनी पुन्हा उदयाला येईल. या कालावधीत शनीचा प्रभाव तुलनेने सौम्य राहील, असे ज्योतिषतज्ज्ञ सांगतात.

advertisement

काही राशींना मिळू शकतो दिलासा

ग्रह अस्त होणे सामान्यतः अशुभ मानले जात असले तरी शनीच्या बाबतीत परिस्थिती थोडी वेगळी असते. ज्या राशींवर शनीची साडेसाती किंवा ढैय्या सुरू आहे, त्या राशींना या काळात काही प्रमाणात आराम मिळू शकतो.

कुंभ : कुंभ राशीवर सध्या साडेसातीचा अंतिम टप्पा सुरू आहे. शनी अस्त झाल्यामुळे मानसिक तणाव कमी होण्याची शक्यता आहे. अडकलेले पैसे परत मिळू शकतात आणि कामांमध्ये अडथळे कमी होऊ शकतात.

मीन : शनी मीन राशीत अस्त होत असल्याने या राशीवरील साडेसातीचा प्रभाव थोडा कमी होईल. आत्मविश्वास वाढण्यास मदत होऊ शकते. आरोग्याच्या समस्यांमध्येही काही प्रमाणात सुधारणा दिसू शकते.

धनु : धनु राशीवर शनीची ढैय्या असल्याने या राशीच्या व्यक्तींना काही काळापासून अडचणींचा सामना करावा लागत आहे. मात्र शनी अस्त झाल्यामुळे नोकरीच्या संधी वाढू शकतात आणि आर्थिक स्थितीत सुधारणा होण्याची शक्यता आहे.

सिंह : सिंह राशीच्या व्यक्तींना करिअरमध्ये येणाऱ्या अडचणी कमी होण्याची शक्यता आहे. व्यवसायात अनपेक्षित नफा मिळू शकतो किंवा नवीन संधी उपलब्ध होऊ शकतात.

या राशींनी घ्यावी विशेष काळजी

शनि अस्ताचा काळ काही राशींसाठी आव्हानात्मक ठरू शकतो. त्यामुळे आर्थिक, कौटुंबिक आणि आरोग्याच्या बाबतीत सावधगिरी बाळगणे आवश्यक असल्याचे सांगितले जाते.

मेष : या राशीवर साडेसातीचा पहिला टप्पा सुरू झाल्यामुळे आर्थिक व्यवहार करताना काळजी घ्यावी लागेल. रागावर नियंत्रण ठेवणे गरजेचे आहे, अन्यथा कामात अडथळे येऊ शकतात.

तूळ : या काळात अचानक खर्च वाढण्याची शक्यता आहे. अनावश्यक वाद टाळणे आणि वाहन चालवताना अधिक सावध राहणे आवश्यक आहे.

वृश्चिक : मालमत्तेशी संबंधित वाद उद्भवू शकतात. त्यामुळे कुटुंबातील शांतता राखण्यासाठी संयम बाळगणे आणि आरोग्याची विशेष काळजी घेणे महत्त्वाचे ठरेल.

मकर : गुंतवणुकीसंबंधी निर्णय घेताना सावध राहणे आवश्यक आहे. अचानक आर्थिक नुकसान होण्याची शक्यता असल्याने मोठे आर्थिक निर्णय 22 एप्रिलनंतर घेणे अधिक योग्य ठरेल.