TRENDING:
कुंडलीत शनी अशक्त असल्याची लक्षणं - ज्योतिषशास्त्रातील मान्यतेनुसार, जेव्हा शनी अशुभ किंवा कमकुवत असतो, तेव्हा व्यक्तीला वारंवार अडचणींचा सामना करावा लागतो. नोकरीत अस्थिरता, व्यवसायात तोटा, कोर्ट-कचेरीची प्रकरणं किंवा कुटुंबात होणारे वाद ही त्याची लक्षणं असू शकतात. अनेकदा मेहनत दुप्पट करावी लागते पण फळ मात्र अगदीच कमी मिळतं. हा पूर्णपणे श्रद्धेचा विषय असला तरी भारतात मोठ्या प्रमाणात लोक शनिवारी विशेष उपाय करून मानसिक शांती आणि आत्मविश्वास मिळवण्याचा प्रयत्न करतात.
advertisement
शनिवारी करायचे सोपे उपाय -
काळं मीठ किंवा सुरमा जमिनीत रुतवा - लाल किताबनुसार, शनिवारी काळं मीठ किंवा काळा सुरमा एखाद्या निर्जन ठिकाणी जमिनीत दाबणं शुभ मानलं जातं. यामुळे नकारात्मकता कमी होते अशी मान्यता आहे.
उडीद आणि काळ्या वस्तूंचं दान - शनिवारी मंदिरात उडीद डाळ, काळी मिरी, काळे चणे किंवा चंदन दान करणं फायदेशीर ठरतं. दान करताना मन शांत आणि भावना प्रामाणिक असावी.
शनिवारचं व्रत - नियमितपणे शनिवारचा उपवास केल्यानं मनात संयम निर्माण होतो. अनेक लोक सूर्यास्तानंतरच भोजन करतात आणि दिवसभर शनी मंत्राचा जप करतात.
माशांना खाऊ घाला - सलग 12 शनिवार माशांना अन्नाचे कण किंवा गोळ्या खाऊ घालण्याचा उपाय सांगितला जातो. या उपायामुळे संयम आणि नियमितता वाढते.
पूर्वा फाल्गुनी नक्षत्रावर पहिलं चंद्रग्रहण! 5 राशींवर पडणार सर्वात अशुभ प्रभाव
श्रद्धेसोबतच समजूतदारपणाही महत्त्वाचा - ज्योतिषशास्त्रातील उपाय हा श्रद्धेचा भाग असला तरी आयुष्यात बदल घडवण्यासाठी कर्माचीही तितकीच साथ लागते. जर नोकरीत अडचण असेल तर कौशल्य वाढवणं आणि व्यवसायात तोटा होत असेल तर रणनीती बदलणं हे देखील महत्त्वाचं आहे. लोक उपायांसोबत स्वतःच्या वागण्यात आणि मेहनतीत सुधारणा करतात, तेव्हाच परिस्थिती खऱ्या अर्थानं बदलू लागते.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)