बायकोसोबतच्या भांडणानंतर गर्लफ्रेंडच्या घरी गेला तरुण; रात्री तिथेच झोपला अन् परत उठलाच नाही

तरुणाच्या कुटुंबीयांच्या तक्रारीवरून पोलिसांनी गुन्हा दाखल करून तपास सुरू केला आहे. नैनिताल जिल्ह्यातील हल्दवानीमध्ये ही धक्कादायक घटना उघडकीस आली आहे. एका ओळखीच्या महिलेच्या घरी राहायला गेलेल्या 30 वर्षीय अझीम याचा मृतदेह सोमवारी लटकलेल्या अवस्थेत आढळून आला. त्याच्यासोबत राहणाऱ्या महिलेनं याबाबत तरुणाची पत्नी, दाजी आणि पोलिसांना फोनवरून माहिती दिली.

वाढदिवसाला केक उशिराने आणला, नवरा संतापला आणि बायको आणि लेकरावरच केले चाकूने वार!

advertisement

मंगळवारी मृतदेहाचे शवविच्छेदन करण्यात आले. अझीमची आई तारा बी यांनी महिलेवर हत्येचा आरोप केला आहे. कुटुंबीयांच्या म्हणण्यानुसार, अझीम त्यांचा मोठा मुलगा होता. अझीमची पत्नी गुलिस्ता बी, मुलगा मोहम्मद जैन, दोन भाऊ समीर आणि वसीम घरात राहतात.

तो प्लास्टरचं काम करायचा. लाइन नं. 17 येथील एका महिलेसोबत तो संपर्कात होता.. 14 मे रोजी अजीम तिला घरी घेऊन गेला. जिथे बराच गदारोळ झाल्यानंतर अजीमने घर सोडलं आणि महिलेसोबत तिच्या घरी राहायला गेला. मंगळवारी पहाटे चार वाजण्याच्या सुमारास महिलेनं अझीमची पत्नी गुलिस्ता, अझीमचा दाजी आणि पोलिसांना अझीमने फाशी घेतल्याची माहिती दिली.

घटनास्थळी पोहोचलेल्या पोलिसांना महिलेनं ती अझीमची पत्नी म्हणून असल्याचं सांगितलं. पोलिसांनी घटनास्थळी पोहोचून मृतदेह शवागारात पाठवला. पोस्टमॉर्टम हाऊसमध्ये पोहोचलेल्या अझीमच्या कुटुंबीयांनी महिलेवर हत्येचा आरोप केला आहे. वनभूलपुराचे एसओ नीरज भाकुनी यांनी सांगितलं की, कोणीही तक्रार दिलेली नाही. शवविच्छेदन अहवाल आणि तक्रारीच्या आधारे पुढील कारवाई करण्यात येईल.