सायबर गुन्हेगार लोकांची फसवणूक करण्यासाठी आणि त्यांचे पैसे आणि डेटा चोरण्यासाठी वेगवेगळे मार्ग अवलंबत असतात. ते फार हुशार असतात, ज्यामुळे संधी मिळेल तिथे ते आपलं कार्य सुरु करतात. हे हॅकर्स हॅकिंगसाठी संगणक, मोबाईल फोन आणि इंटरनेटचा वापर करतात आणि लोकांना गंडा घालतात.
वर्क फ्रॉम होम जॉबचे आमिष दाखवून महिलेचे बँक खाते रिकामे केल्याची नवीन घटना समोर आली आहे.
advertisement
एका महिलेच्या फोनवर एका कंपनीत नोकरीची संधी असल्याचा मेसेज आला. नोकरीसाठी दरमहा 40 हजार रुपयांपर्यंत पगार होता. महिलेने मुलाखत दिली आणि नोकरी मिळाली. त्यावेळी तिला नोकरीसाठी लिंक पाठवली गेली. लिंकवर क्लिक केल्यानंतर तिला एक फॉर्म भरण्यास सांगण्यात आले. त्याला तिच्या बँकेची सर्व माहिती भरायची होती.
काही दिवसांनी महिलेचा एक फोन आला. फोन करणार्‍याने तिची बँकेची माहिती बरोबर नसल्याचे सांगितले. नोकरीसाठी तिला बँकेच्या माहितीची पडताळणी करावी लागेल अस देखील सांगितलं. महिलेचा मेसेज आला. मेसेजमध्ये एक ओटीपी होता. महिलेने ओटीपी टाकला. त्या महिलेला वाटले की ती तिच्या नोकरीसाठी हे सर्व करत आहे, जे गरजेचं आहे. पण तिला माहित नव्हतं की ती ठग्यांच्या कचाट्यात सापडली होती.
कारण ओटीपी टाकल्यानंतर संध्याकाळी महिलेनं जेव्हा आपलं खातं तपासलं तेव्हा तिला कळालं की तिचं बँक खातं आता रिकामी झालं आहे. ज्यानंतर तिने पोलिसांना याबद्दल कळवले. पोलिस आता या घटनेचा तपास करत आहेत.