TRENDING:
बलात्कार करण्याचा प्रयत्न केला
गुजरातच्या दाहोद जिल्ह्यातील एक मजूर कुटुंब राजकोटच्या अटकोट पोलिस स्टेशन परिसरातील एका गावात शेतात काम करतात. 4 डिसेंबर रोजी हे कुटुंब नेहमीप्रमाणे शेतात काम करत होते. त्यांच्या सहा वर्षांच्या आणि आठ महिन्यांच्या मुली जवळच खेळत होत्या. याच दरम्यान, एका अज्ञात व्यक्तीने सहा वर्षांच्या मुलीचा गळा दाबून तिचे अपहरण केले. त्यानंतर आरोपीने तिच्यावर बलात्कार करण्याचा प्रयत्न केला, पण मुलीच्या ओरडण्याने तो रोखला गेला.
advertisement
मुलगी वेदनेने ओरडत होती पण...
बलात्कारात अपयश आल्यामुळे संतापलेल्या आरोपीने क्रौर्याची सीमा ओलांडली आणि निष्पाप मुलीच्या गुप्तांगात एक काठी खुपसली. मुलगी वेदनेने ओरडत होती, आरोपीच्या तावडीतून सुटण्यासाठी धडपडत होती, परंतु आरोपीने तिच्यावर दया दाखवली नाही. तिच्या गुप्तांगात काठी घातल्यानंतर, रक्ताने माखलेल्या अवस्थेत तिला सोडून आरोपी पळून गेला. मुलगी हरवल्यावर तिच्या कुटुंबियांनी शोध सुरू केला आणि काही वेळातच ती जवळच आढळली.
पोक्सो कायद्यांतर्गत गुन्हा दाखल
कुटुंबियांनी मुलीला त्वरित उपचारासाठी राजकोट येथील रुग्णालयात दाखल केले. त्यांनी पोलिसांनाही घटनेची माहिती दिली. घटनेची माहिती मिळताच पोलिसांनी पोक्सो कायद्यांतर्गत (POCSO Act) गुन्हा दाखल केला आणि आरोपींचा शोध सुरू केला. पोलिसांनी जलदगतीने कारवाई करत दहा पथके तयार केली, ज्यांनी सुमारे 100 संशयितांची चौकशी केल्यानंतर आरोपीला अटक केली.