घरात पोपट पाळताय? तर सावधान! कायद्याने 'हा' आहे गुन्हा; होऊ शकते 3 वर्षांची जेल आणि 25000 दंड!

पोपट पिंजऱ्यात ठेवणे कायद्याने गुन्हा 

भारतात अनेक घरांमध्ये पोपट पाळले जातात. लोक लहान पोपट घरी आणतात आणि त्याला बोलायला शिकवतात. पोपट लहानपणापासून आपल्या मालकाच्या घरी बोलले जाणारे शब्द शिकतो आणि दिवसभर तेच शब्द पुन्हा पुन्हा बोलत राहतो. तुम्ही अनेक पोपटांना मिठ्ठू, सीताराम इत्यादी बोलताना पाहिले असेल. कधीकधी पोपट घरात बोलले जाणारे अपशब्दही शिकून घेतात आणि मग तेच घोकत राहतात. लोकांना घरात पोपट पाळणे चुकीचे वाटत नाही, पण पोपट पिंजऱ्यात ठेवणे कायद्याने गुन्हा आहे. असे केल्यास तुम्हाला शिक्षा होऊ शकते. याबद्दल अधिक माहितीसाठी आम्ही अलीगढच्या जिल्हा वन अधिकाऱ्यांशी बोललो.

advertisement

3 वर्षांपर्यंत शिक्षा आणि 25 हजार रुपयांपर्यंत दंड

अलीगढचे जिल्हा वन अधिकारी नवीन प्रकाश शाक्य म्हणाले की, काही विशिष्ट प्रजातींचे पोपट पाळल्यास वन्यजीव संरक्षण कायदा 1972 आणि कलम 9 अंतर्गत गुन्हा दाखल होऊ शकतो. कलम 12 अंतर्गत, पकडले गेल्यास 3 वर्षांपर्यंत शिक्षा आणि 25 हजार रुपयांपर्यंत दंडही ठोठावला जाऊ शकतो. अशा प्रकरणांमध्ये त्वरित गुन्हा दाखल करून कारवाई केली जाते. चला तर मग जाणून घेऊया कोणते पोपट तुम्हाला तुरुंगात पाठवू शकतात.

या जातीचे पोपट पाळणं बेकायदेशीर

वन विभागाच्या माहितीनुसार, बहुतेक घरांमध्ये इंडियन रिंगनेक पोपट पाळले जातात. ते हुबेहूब नक्कल करण्यात पटाईत असतात आणि घरात खूप बोलतात. हा पोपट भारतात अनेक घरांमध्ये आढळतो, पण तुम्हाला सांगतो की, तो पाळणे कायद्याने निषिद्ध आहे. योग्य कारवाई झाल्यास भारतातील अनेक घरातील लोक तुरुंगात जाऊ शकतात. याशिवाय, अलेक्झांडर पोपट, लाल छातीचे पोपट इत्यादी देखील पाळण्यास बंदी आहे. त्यांची विक्री आणि खरेदी दोन्ही बेकायदेशीर आहे. जर तुमचीही पोपट पाळण्याची इच्छा असेल, तर सावध राहा आणि वन विभागाचा सल्ला घेतल्यानंतरच पाळा.

हे ही वाचा : शुन्य पैसे खर्चात तुमचं कुलर देईल AC सारखी थंड हवा, घर होईल बर्फासारखं गार! 

हे ही वाचा : औषधांपेक्षाही जबरदस्त आहे 'ही' भाजी, फायदे ऐकून तुम्हीही व्हाल थक्क; एक्स्पर्ट सांगतात की...