घरात एकटी मेहुणी पाहून साधली संधी
पीडित महिला आपल्या पतीसोबत शेती करून उदरनिर्वाह करते, तर तिची मुले शिक्षणासाठी बाहेरगावी राहतात. घटनेच्या दिवशी, म्हणजेच 29 जुलै रोजी, दुपारच्या वेळी तिचे पती शेतावर गेले होते आणि त्या घरी एकट्याच होत्या. हीच संधी साधून तिचा मेहुणा, संतोष दत्तात्राय पाटील, तिच्या घरात शिरला.
लज्जा उत्पन्न होईल असे केले वर्तन
advertisement
घरात आल्यानंतर संतोषने "तू मला आवडतेस," असे म्हणत तिचा हात पकडला आणि तिच्या मनाला लज्जा उत्पन्न होईल असे वर्तन केले. त्याने पीडितेशी अंगाशी झोंबाझोंबी करण्याचा प्रयत्न केला. पीडितेने प्रतिकार केला असता, आरोपीने तिला शिवीगाळ करत, "तुझी गावात बदनामी करेन," अशी धमकी दिली.
या धक्कादायक प्रकारानंतर पीडित महिलेने धाडस दाखवत तालुका पोलीस ठाणे गाठले आणि आरोपी मेहुण्याविरुद्ध विनयभंगाची तक्रार दाखल केली. पोलिसांनी संतोष दत्तात्राय पाटील याच्यावर गुन्हा नोंदवला असून संबंधित पोलीस तपास करत आहेत.
हे ही वाचा : Satara News: "कोणालाही सांगू नकोस!", मित्राकडून अत्याचार, अल्पवयीन मैत्रीण 8 महिन्यांची गरोदर!
हे ही वाचा : "भांडी का घासली नाही", म्हणत पेटला वाद अन् घरात सांडला रक्ताचा सडा; एकावर ब्लेडने सपासप वार!