Satara News: "कोणालाही सांगू नकोस!", मित्राकडून अत्याचार, अल्पवयीन मैत्रीण 8 महिन्यांची गरोदर! 

याबाबत मिळालेल्या अधिक माहितीनुसार, ही घटना खटाव तालुक्यातील एका गावातील शेतात घडली. अल्पवयीन मुलाने एका अल्पवयीन मुलीशी मैत्री केली होती. त्यानंतर त्याने तिला लग्न करण्याचे आमिष दाखवले. मुलगी अल्पवयीन असल्याची पूर्ण माहिती असतानाही, या मुलाने तिच्याशी दोन वेळा शरीरसंबंध ठेवले.

या प्रकारानंतर त्याने मुलीला, "हा प्रकार कोणालाही सांगू नकोस," अशी धमकीही दिली. परंतु, या शरीरसंबंधातून अल्पवयीन मुलगी आठ महिन्यांची गरोदर असल्याचे समोर आले आहे. या गंभीर घटनेनंतर मुलीच्या कुटुंबीयांनी पोलिसांत धाव घेतली. त्यानुसार, संबंधित अल्पवयीन मुलावर कायदेशीर गुन्हा दाखल करण्यात आला असून, पुढील तपास सुरू आहे. या घटनेमुळे समाजात अल्पवयीन मुलांमधील संबंध आणि त्यांच्या सुरक्षिततेचा प्रश्न पुन्हा एकदा अधोरेखित झाला आहे.