सांगलीकरांनो, इकडे लक्ष द्या! पोस्टातील व्यवहार बंद असणारी खाती गोठणार, तातडीने KYC करा, नाहीतर...

सध्या पोस्टाकडे जिल्ह्यातील सर्व प्रकारच्या योजनांमधील एकूण 11 लाख 73 हजार 102 खाती आहेत. यापैकी मोठ्या संख्येने खाती निष्क्रिय (बंद) अवस्थेत आहेत, असे दिसून आले आहे. अनेक खातेदार वेगवेगळ्या योजनांमध्ये खाती उघडतात, परंतु त्यानंतर त्याकडे दुर्लक्ष करतात किंवा केवायसीची पूर्तता न केल्याने ती खाती निष्क्रिय होतात. जिल्ह्यात निष्क्रिय खात्यांची संख्या मोठ्या प्रमाणात आहे.

या आकडेवारीनुसार, आवर्ती ठेव आणि बचत खात्यांची संख्या सर्वाधिक आहे, तर सुकन्या समृद्धी योजनेलाही जिल्ह्यात चांगली पसंती मिळाली आहे. मुलींच्या भविष्यासाठी बचत करण्याच्या हेतूने ही योजना लोकप्रिय ठरली असून, यात दरमहा किंवा वर्षातून रक्कम भरता येते. या निर्णयामुळे पोस्टाची आर्थिक स्थिती अधिक मजबूत होईल आणि निष्क्रिय खात्यांचा भार कमी होईल अशी अपेक्षा आहे. खातेदारांनी याकडे गांभीर्याने लक्ष देऊन आपली खाती अद्ययावत करावीत, असे आवाहन पोस्ट विभागाकडून करण्यात आले आहे.